॥अथ श्रीरघुपत्यष्टकम् ॥

राजीवनयन त्रिभुवनभूषण।

भवदुःखहरण परमात्म विभो॥

सीतावल्लभ रघुकुलभास्कर।

नलिनायतलोचन राम प्रभो ॥1॥

रघुकुलनायक करधृतसायक।

मंगलदायक भव पाहि विभो॥

अनुरूप स्वरूप विरूपारूप ।

अजस्र सहस्त्रस्वरूप प्रभो ॥2॥

शिवमानसहंस भरत-अवतंश

निषूदनकंस सुवंश विभो॥

उत्तम सर्वोत्तम पुरूषोत्तम।

नरोत्तम रक्षय माम् प्रभो ॥3॥

मायाधिपते जीवाधिपते ।

सकलाधिपते परमेश विभो॥

अमंगलनाशक मंगलशासक

दैत्यविनाशक पाहि प्रभो ॥4॥

मैथिलिवंदित मिथिलानंदित।

रिपुखंडित शिवलीन विभो।

रमणीयवदन काननचंदन।

सुरमुनिकार्यप्रवीण प्रभो॥5॥

खरदूषण मधु-कैटभमर्दक।

 बालिनिषूदक अजित विभो॥

भीष्म-गजेन्द्र- बलि- प्रह्लाद ।

सुसंत- सुरक्षक पूज्य प्रभो ॥6॥

शबरीबदरीफल- आस्वादक

सच्चित् दयानिधान विभो ॥

याचककल्पतरो परमेश्वर ।

सुंदर सत्य सुजान प्रभो ॥7॥

खलभंजक वैष्णवजनरंजक।

पापविभंजक राम विभो ॥

संकटमोचन उत्पललोचन ।

देहि परं निजधाम प्रभो ॥8॥

रघुपत्यष्टकं पुण्यं।स्मृत्वा पठतु राघवम्॥

विरचितकृष्णकांतेन।रामानुग्रह भवेद्ध्रुवम्॥

॥श्रीरघुपत्यष्टकं ब्रह्मार्पणमस्तु॥

लेखक- कृष्णकांत झा